Pas furtunës që shkaktoi arrestimi i Nicolas Maduros në Venezuelë, presidenti i SHBA Donald Trump lëshoi një kërcënim jo aq të fshehur kundër udhëheqëses së re të Venezuelës, Delcy Rodríguez, duke thënë se "nëse ajo nuk bën atë që është e drejtë, do të paguajë një çmim shumë të madh, ndoshta më të madh se Maduro", i cili tani ndodhet në një qeli burgu në New York City.
Trump e bëri të qartë se nuk do ta duronte atë që e përshkroi si refuzim sfidues të Rodríguez ndaj ndërhyrjes së armatosur të SHBA-së që rezultoi në kapjen e Maduros. Ndërkohë që ushtria ka shprehur mbështetjen ndaj Rodriguez.
Trump, i cili sapo kishte mbërritur në klubin e tij të golfit në West Palm Beach, ishte dukshëm në humor të mirë dhe riafirmoi se Venezuela mund të mos jetë vendi i fundit që i nënshtrohet ndërhyrjes amerikane. "Ne kemi nevojë për Groenlandën, absolutisht", tha ai, duke e përshkruar ishullin një pjesë të Danimarkës, një aleate e NATO-s si "të rrethuar nga anije ruse dhe kineze". Dhe duke diskutuar të ardhmen e Venezuelës, ai sinjalizoi një ndryshim të qartë nga mospëlqimi i tij i mëparshëm për ndryshimin e regjimit dhe ndërtimin e kombit, duke hedhur poshtë shqetësimet e shumë njerëzve në bazën e tij MAGA. Versus.al
