Tetova u mbush sot me një dhimbje të thellë, ndërsa qindra familjarë, miq, kolegë artistë dhe qytetarë u mblodhën për t’i dhënë lamtumirën e fundit këngëtarit të dashur, Shpat Kasapi. Atmosfera ishte e rëndë, e mbështjellë me lot, heshtje dhe duartrokitje të gjata që shoqëruan arkivolin e tij në rrugëtimin e fundit.
Në Pallatin e Kulturës, aty ku Shpati kishte kaluar një pjesë të madhe të jetës artistike, njerëzit që e deshën e duartrokitën për t’i nderuar jetën dhe këngët e tij.
Fytyrat e pranishme tregonin gjithçka: shok, trishtim, mall. Mbi të gjitha, një mirënjohje e heshtur për artistin që u rrit mes tyre dhe i dha qytetit emocione, këngë dhe kujtime të paharrueshme.
View this post on Instagram
Kur arkivoli u nxor nga Pallati i Kulturës, shpërthyen duartrokitjet e fundit ato që të dridhin zemrën, ato që nuk janë duartrokitje gëzimi, por falënderimi. Falënderimi për një jetë të jetuar me dinjitet dhe për një talent që preku mijëra zemra.
