Një zjarr masiv ka shkaktuar pesë viktima në qytetin Neuves-Maisons, pranë kufirit me Luksemburgun. Flakët përfshinë me shpejtësi një ndërtesë dykatëshe, ku banesa mbi një dyqan në katin përdhes u përfshi nga zjarri.
Ndër viktimat janë një burrë 59-vjeç, një grua 60-vjeç, një vajzë 20-vjeçe, një 16-vjeçar dhe një person tjetër që ndërroi jetë në spital, pas lëndimeve të rënda.
Zjarrfikësit u njoftuan rreth orës 3:15 të mëngjesit të së dielës për zjarrin në Neuves-Maisons, një qytet me 7,000 banorë në jugperëndim të Nancy. Flaka preku një ndërtesë dykatëshe me një dyqan në katin përdhes. Zjarri nuk u përhap në ndërtesat fqinje.
Autoritetet franceze raportojnë se flakët përhapën shpejtësi, duke e gjetur ndërtesën të mbuluar nga tymi në momentin që ekipet e emergjencës mbërritën.
Rreth 70 zjarrfikës dhe 30 automjete u angazhuan për shuarjen e zjarrit, i cili kërkoi disa orë për t’u kontrolluar plotësisht. Vetëm pas shuarjes së flakëve u konfirmuan viktimat brenda banesës.
Bashkia do të hapë dy dhoma, njëra për të akomoduar familjet dhe tjetra për të strehuar një njësi urgjence mjekësore-psikologjike për popullsinë që mund të jetë tronditur nga tragjedia, tha prefektura për AFP.
Shkaqet e zjarrit nuk janë përcaktuar ende, ndërsa hetimet për të zbardhur ngjarjen vazhdojnë.
