Gjykata Kushtetuese ka shfuqizuar vendimin për tatimin e 15 të profesioneve të lira, ndërkohë që ende nuk është marrë një vendim se çfarë do të ndodhë me paratë e mbledhura prej atyre që kishin paguar.
Në daljen që bëri ditën e sotme, ministri i Financave Petrit Malaj, i pyetur në lidhje me këtë temë tha se do të merret një mendim nga Gjykata Kushtetuese se çfarë do të ndodhë me paratë që ishin mbledhur.
“Është një çështje që e kam ndjekur dhe në krahun tjetër dhe një nga çështjet që jam marrë me të marrë detyrën. Gjykata Kushtetuese nuk shprehet çfarë do të ndodhë çfarë nga momenti kur ka hyrë ky ligj në fuqi dhe deri në momentin kur është shfuqizuar duke qenë se ka prodhuar detyrime financiare.
Ne si minisitri e Financave jemi duke përgatitur një kërkesë gjykatës Kushtetuese që do i kërkojmë çfarë do të bëhet me fondet që kemi mbledhur. Derisa të kemi bërë këtë nuk mund të marrim asnjë vendim”, tha Malaj.
Kjo është dalja e parë para medias e Petrit Malaj si ministër i Financave./ Versus.al
