Këngëtarja Enca Haxhia ka habitur publikun me një deklaratë të fortë gjatë emisionit “Goca dhe Gra”, ku ndau detaje për aktivitetin e saj në platformën OnlyFans.
E pyetur gjatë rubrikës “Truth or Dare” nëse i ishte ofruar ndonjëherë shuma prej 1500 eurosh për një foto të këmbëve, Enca u përgjigj pa u menduar:
“1500 euro është vetëm për një gisht,” – u shpreh ajo, duke shkaktuar reagime dhe të qeshura në studio.
Deklarata e saj la të kuptohet se fitimet nga OnlyFans janë shumë më të larta se sa mendohet, dhe se ajo përfiton ndjeshëm nga përmbajtja që shpërndan në platformë.
Kjo deklaratë ka nxitur diskutime në publik lidhur me mënyrat e reja të përfitimeve ekonomike përmes rrjeteve sociale dhe platformave të rritura, por edhe mbi mënyrën si figurat publike menaxhojnë imazhin e tyre dhe zgjedhin të kapitalizojnë popullaritetin.
Prej kohësh, Enca është një nga emrat më të përfolur për praninë e saj në OnlyFans, dhe duket se për të, kjo është një zgjedhje e vetëdijshme – dhe shumë fitimprurëse. Versus.al
