Romanca e rindezur mes Ben Affleck dhe Jennifer Lopez magjepsi botën kur ata u ribashkuan në vitin 2021. Megjithatë vetëm dy vite më pas martesës Lopez paraqiti kërkesën për divorc në gusht të 2024, duke i dhënë fund ribashkimit të tyre.
Ndërsa Lopez ka ndarë detaje nga ndarja e tyre, Affleck ka zgjedhur një rrugë tjetër. Burime pranë aktorit kanë zbuluar se Affleck ka vendosur një filtër në telefonin e tij për të bllokuar çdo lajm apo histori që ka lidhje me Lopez apo me ndarjen e tyre.
“Ben nuk shikon internetin – veçanërisht asgjë në lidhje me divorcin e tij nga JLo ”, tha një burim i brendshëm i aktorit për Daily Mail. "Ai i shmang mediat sociale dhe nuk klikon mbi asgjë që ka të bëjë me të. Në fakt, ai ka një filtër JLo në telefonin e tij në mënyrë që shfletuesi të mos lejojë asgjë që përmban emrin e saj në të."
Pavarësisht ndarjes, Affleck mbetet i përkushtuar për të promovuar filmin e tij të ri, Unstoppable, ku roli kryesor luhet nga Lopez.
I publikuar më 6 dhjetor, filmi tregon historinë frymëzuese të Anthony Robles , një mundës me një këmbë që u bë kampion i NCAA. Affleck, i cili gjithashtu është producent i filmit, vlerësoi performancën e Lopez gjatë një interviste, duke e quajtur atë "spektakolare"./Versus.al
