Kanë kaluar gati dy muaj që kur Hansi Flick u emërua trajner i Barcelonës, duke zëvendësuar Xavi Hernandezin e shkarkuar. Ai kurrë nuk kishte folur publikisht deri më tani.
Kur kanë kaluar dy muaj që prej se mori postin e trajnerit të Barcelonës duke zëvendësuar Havi Hernandez, Hansi Flick ka folur sot për herë të parë duke zbuluar disa të pathëna lidhur me punën e bërë deri më tani.
“Kur vendosa të bëhem trajner, shikova Barcelonën sepse ata luanin futboll fantastik. Ju mund të shihni se si ata i zhvillojnë lojtarët, të gjithë flasin për këtë dhe gjithashtu pasioni që ndjeni këtu është i jashtëzakonshëm, dhe kjo është arsyeja pse ne jemi të lumtur që jemi këtu. Që në ditën e parë që e ndjeva, të gjithë tregojnë respekt, është e pabesueshme ajo që po përjetojmë”- u shpreh Hansi Flick.
Flick preku gjithashtu javën e parë apo më shumë të stërvitjeve parasezonale. Ai pranoi se është befasuar shumë këndshëm nga niveli i treguar nga lojtarët më të rinj që janë përfshirë në formacionin e ekipit të parë.
“Faleminderit La Masia. Ajo që po shoh në seancat e para stërvitore është e pabesueshme. Normalisht kur lojtarët ndërkombëtarë janë ende me pushime dhe sjell shumë lojtarë të rinj, cilësia bie pak. Këtu, thjesht nuk është kështu”, përfundoi gjermani. Versus.al
