Aktori Arben Derhemi ka vendosur të thyejë heshtjen në lidhje me lajmin se ai dhe Iva Korumi kishin vendosur të ndanin rrugët e tyre.
Lajmi mori dhenë muajin e kaluar por që në atë kohë nuk kishte asnjë deklaratë zyrtare prej tyre.
Por në fund një gjë ishte e vërtetë dhe këtë e ka treguar vetë Arbeni i cili përmes një interviste deklaroi se është ndarë prej bashkëshortes që dy vite më parë.
Por aktorit i është dukur i çuditshëm shpërthimi i lajmit pasi gjithçka ishte mbajtur larg mediave. Sa për divorcin, ishte thjesht një vendim i marrë nga të dyja palët, për arsye që ai nuk i konkretizoi.
“Është e gjitha një gënjeshtër e madhe sepse unë kam kohë që jam ndarë, kam gati dy vjet e gjysmë. Nuk e kuptoj, e gjitha ishte si me urdhër, e gjitha ishte e makinuar nga një makineri e çuditshme thashethemi, maskarallëku që nuk më bën shumë përshtypje sepse kam dëgjuar shumë gjëra për miq, shokë të mitë të cilët i njoh shumë mirë, i di shumë mirë. Por këtë radhë ishte shumë e çuditshme sepse e kam mbajtur larg jetën time private, larg televizionit, larg revistave, larg gjithçkaje sepse është e imja dhe e atyre që kanë qenë rreth meje. Kuptohet që ish-bashkëshortja ime ka të drejtën e vet që të revoltohet për një gjë të tillë sepse duam të mbajmë diçka jashtë kësaj. U vendos një moment që ne të ndahemi dhe kaq, s’ka asgjë të çuditshme.” është shprehur Derhemi.
