“Rrathët” e Eurovizionit vazhdojnë t’i ngjajnë një kazani që vlon, pasi që nga e enjtja e kaluar, kur u finalizua pjesëmarrja e Izraelit në edicionin e 70-të disa vende janë tërhequr.
Pra, pas Spanjës, njërit prej të ashtuquajturve Big 5, Holandës, Sllovenisë dhe Irlandës, është radha e Islandës. Transmetuesi publik i vendit njoftoi të mërkurën pasdite se nuk do të marrë pjesë në konkursin muzikor, në hijen e reagimeve të stuhishme ndaj pjesëmarrjes së Izraelit pas gjenocidit në Gaza.
Në deklaratën e detajuar që lëshoi për të gjitha mediat, RUV thekson: "Duke pasur parasysh polemikat publike në vend dhe reagimet ndaj vendimit të EBU-së të marrë javën e kaluar, është e qartë se as gëzimi dhe as paqja nuk do të mbizotërojnë në një pjesëmarrje të mundshme të RUV në Eurovision."
"Prandaj, vendimi i takimit të sotëm është që RUV të informojë EBU-në se nuk do të marrë pjesë në eventin e ardhshëm.
Konkursi i Këngës në Eurovizion gjithmonë ka synuar të bashkojë popullin islandez, por tani është e qartë se ky qëllim nuk do të arrihet dhe ky vendim është marrë bazuar në këto arsye programatike."
