Një surprizë e veçantë ka mbërritur nga qielli për Mimoza Ahmeti, e cila është emocionuar pasditen e sotme nga një mesazh i dërguar me dron.
Surpriza ishte organizuar nga Elton Ilirjani dhe Parashqevi Simaku, të cilët e kanë vlerësuar Ahmetin me një dedikim special.
“Moza supermodele me art dhe inteligjencë”, shkruhej në mesazhin që shoqëronte surprizën.
E prekur nga gjesti, Mimoza Ahmeti është shfaqur e emocionuar dhe plot mirënjohje, ndërsa ka shprehur publikisht dashurinë dhe respektin për dyshen.
“Ju dua, ju dua. O Zot, çfarë kryeveprash jeni të dy. O Zot ndoshta një ditë takohemi dhe bëjmë një projekt bashkë. Elton, çfarë mrekullie ke bërë me Parashqevinë, duke e rikthyer dhe ekspozuar para njerëzve, që të kuptojnë çfarë dimesionesh ka njeriu. Nuk është turp të jetosh në metro. Nuk është turp fare me qenë ai që ndihesh. Parashqevi, të dua je e paarritshme”, është shprehur ajo.
View this post on Instagram
