Galatasaray është shpallur kampion i Superligës Turke për herë të 25-të, një arritje historike për klubin e madh të Stambollit. Për të festuar këtë sukses të madh, drejtuesit e klubit kishin planifikuar të organizonin një festë madhështore, ku synonin të ftonin këngëtaren me famë botërore dhe me origjinë shqiptare, Dua Lipa.
Sipas mediave turke dhe britanike, ylli i muzikës pop ka kërkuar një pagesë prej 3.5 milionë dollarësh për të performuar gjatë mbrëmjes së festimeve. Kjo shumë u konsiderua shumë e lartë nga menaxhmenti i klubit, dhe për pasojë, oferta nuk u pranua.
Megjithatë, festimet për titullin kampion të Galatasaray-t do të mbahen, ndonëse mbetet e paqartë nëse do të ftohet një tjetër artist për të performuar në vend të Dua Lipës. /Versus.al
