Portieri rezervë i Spanjës, David Raja ishte protagonist mbrëmjen e djeshme në ndeshjen kundër Shqipërisë pasi arrit të shpëtonte portën nga goditjet e Armando Brojës në pjesën e dytë.
Ai foli për mediat pas ndeshjes dhe tha se ishte i vetëdijshëm se Kombëtarja Shqiptare nuk ishte një skuadër e lehtë për t’u mposhtur ndërsa u shpreh i gëzuar që Spanja arriti të mbyllte me fitore fazën e grupeve.
“Ishte një ndeshje shumë e bukur e të gjithë grupit. Ne e dinim absolutisht se Shqipëria nuk ishte kundërshtar i lehtë. Ata luanin shanset për të kaluar. Kemi dominuar të gjithë ndeshjen, la një shije shumë të ëmbël dhe jemi shumë të lumtur për fitoren”, tha ai pas duelit.
“Rastet e Shqipërisë? Në pjesën e parë i shënuam golin dhe i tronditëm, por e dinim që kishin nevojë që të shkonin përpara, ndeshja thyhet dhe ky është momenti kur shfaqen rastet.
Jam i lumtur që mora minuta dhe që munda të ndihmoj ekipin dhe të siguronim tre pikët”, tha Raja pas ndeshjes për mediat spanjolle. Versus.al
