Iwao Hakamada, një japonez 88-vjeçar, 46 prej të cilëve kaloi si i dënuar me vdekje, u lirua të enjten nga Gjykata Shizuoka gjatë rishikimit të gjykimit të tij. Hakamada, është i burgosuri që kaloi më shumë vite si i dënuar me vdekje në botë, duke kaluar gati 5 dekada që priste ekzekutimin. Ai ishte akuzuar se kishte vrarë shefin e tij dhe tre anëtarë të familjes së këtij të fundit në vitin 1966. Ai u dënua me vdekje dy vjet më vonë.
Që në fillim të seancës, gjyqtari deklaroi se Gjykata e konsideroi të akuzuarin “të pafajshëm”. Kjo aferë, e cila filloi në vitin 1966, është një simbol për mbështetësit e heqjes së dënimit me vdekje në Japoni, më pak në numër sipas sondazheve, sesa ata që janë pro këtij denimi. Shumë herët në mëngjesin e së enjtes, qindra njerëz u rreshtuan jashtë gjykatës Shizuoka (në perëndim të Tokios) në përpjekje për të zënë një vend për vendimin e shumëpritur.
Mes tyre ishte Atsushi Zukeran, i cili kishte veshur një bluzë ku shkruhej "Free Hakamada Tani".
“Jam absolutisht i sigurt se ai do të shpallet i pafajshëm. Por një pjesë e imja nuk do të mund ta festojë plotësisht lirimin”, deklaroi ai pak orë para vendimit.
“Rasti i tij është një kujtesë e dhimbshme se si duhet të ndryshojë sistemi i drejtësisë penale në Japoni,” - shtoi ai.
Hakamada, një ish-boksier i cili u bë punonjës në një kompani që prodhonte miso (sojë e fermentuar), u akuzua se kishte vrarë shefin e tij dhe tre anëtarë të familjes së këtij të fundit në vitin 1966. Në vitin 1968, ai u dënua me vdekje nga Gjykata Shizuoka. Në atë kohë, ai fillimisht pranoi se ishte autori i këtyre vrasjeve përpara se të tërhiqej, duke përmendur metoda brutale gjatë marrjes në pyetje. Megjithatë, dënimi i tij me vdekje u konfirmua në vitin 1980 nga Gjykata e Lartë japoneze. Avokatët e tij besonin se provat ka të ngjarë të ishin fabrikuar nga policia ose hetuesit në atë kohë për të justifikuar arrestimin dhe dënimin e tij. Në vitin 2014, një gjykatë pranoi dyshimet për fajin e tij, pasi testet gjenetike minuan provat e çështjes së prokurorisë: ADN-ja e gjetur në rrobat e përgjakura nuk përputhej me të tijën. Më pas ai u lirua. Por rruga për të marrë një gjykim rishikues për personin që konsiderohet se ka kaluar kohën më të gjatë në dënimin me vdekje në botë ishte veçanërisht e gjatë dhe e dredhur.
Pas apelit nga prokuroria, Gjykata e Lartë e Tokios në vitin 2018 vuri në dyshim besueshmërinë e testeve të ADN-së dhe anuloi vendimin e vitit 2014, pa e kthyer z. Hakamada në burg. Në vitin 2020, një kthesë e re: Gjykata e Lartë rrëzoi vendimin që pengoi z. Hakamada të rigjykohej. Gjatë kërkesave të rigjykimit të tij majin e kaluar gjatë rikuizimeve, prokurorët kërkuan përsëri dënimin me vdekje, duke përmendur fajin e tij "përtej një dyshimi të arsyeshëm".
Avokatët e tij dhe mbështetësit e tij të shumtë, drejtuese e të cilëve është motra e tij Hideko, 91 vjeçe, kërkojnë lirimin e tij. Sipas gazetës japoneze Mainichi, kjo do të ishte hera e pestë që prokurorët në Japoni kanë kërkuar sërish dënimin me vdekje në gjykimet e rishikimit të ish-të dënuarve me vdekje. Në katër rastet e para, përfundimisht u shpallën të pafajshëm. / versus
