Prej tre vitesh ai vazhdonte të merrte pensionin e nënës së tij pa dyshuar askush për asgjë.
Kur vdiq nëna e tij 57 vjeçari nga Mantua dyshohet se fshehu trupin e saj në bodrumin e shtëpisë së tij dhe nuk e raportoi vdekjen e nënës së tij, në mënyrë që t’i merrte pensionin.
Maskimi
Një plan makabër i cili dështoi për shkak të një detaji burokratik: karta e identitetit të gruas kishte skaduar.
Për të zgjidhur probleminin 57 vjeçarit i lindi një ide. Ai u paraqit në zyrën e gjendjes civile të komunës së Borgo Virgilio në qytet me rreth 15.000 banorë në periferi të Mantovës i maskuar si një grua e moshuar e veshur me një fustan gruaje dhe një paruke në përpjekje për t'u paraqitur si nëna e tij për të të marrë rinovimin e dokumentat të saj.
Këto detaje nuk iu shpëtuan punonjëses së regjistrit civil, ku 57 vjeçari u paraqit si e ëma e tij Graziella Dall’Oglio.
Punonjësja e paraqiti menjëherë rastin tek eprorët e saj, të cilët njoftuan kryetarin e bashkisë dhe policinë lokale.
Kështu nisi një hetim i brendshëm që krahasoi foton e bërë në komunë dy javë më parë me atë të kartës së skaduar dhjetë vjet më parë.
Dyshimet u forcuan: ngjashmëria ishte e dukshme, por nuk mund të ishte zonja Dall’Oglio, shtëpiake dhe e vejë e një doktori të ndjerë disa vite më parë.
Arsyeja: ai merrte çdo vit pensionin e saj dhe deklaratat e të ardhurave nën emrin e saj, një shumë jo e vogël prej 53 mijë eurosh, që përbëhej nga pensioni i bashkëshortit të ndjerë mjek dhe të ardhurat nga pronat familjare.
Ngjarja mori një kthesë makabre kur, gjatë një kontrolli në shtëpinë e tij, policia zbuloi trupin e mumifikuar të nënës së tij në një dhomë të veçantë.
Historia ka ngjallur habi dhe tmerr në qytet, ndërsa hetimet vazhdojnë për të sqaruar detajet e sakta të këtij rasti jashtëzakonisht të çuditshëm dhe tragjik./Versus.al
