Të paktën 6 persona u vranë dhe 78 të tjerë u plagosën, kur u shemb një çati në një zonë ngrënieje brenda një qendre tregtare në Peru të premten.
Kamerat e sigurisë së dyqanit kapën momentin e tmerrshëm kur një strukturë e madhe metalike shtypi burra, gra dhe fëmijë.
Përfaqësues të Ministrisë së Mbrojtjes dhe Ministrisë së Zhvillimit dhe Përfshirjes Sociale që ndodheshin në vendngjarje raportuan se “jozyrtarisht janë gjashtë të vdekur” dhe shpresojnë që struktura e madhe që u shemb të mund të hiqet në ditët në vijim.
Pak orë pas aksidentit tragjik, u zbuluan detaje për ankthin dhe terrorin e përjetuar nga qindra persona që kishin shkuar në qendrën tregtare. Ekipet e shpëtimit u detyruan t'i presin këmbën një 25-vjeçari për ta nxjerrë nga rrënojat.
Momentos exactos cuando el techo del patio de comidas colapsa en el Real Plaza de Trujillo
— KevinMira (@kmiranda_h) February 23, 2025
Gran Tragedia
pic.twitter.com/cR5VvfNzkW
Pak minuta para shembjes, një baba postoi një foto në rrjetet sociale të foshnjës së tij trevjeçare me të cilën kishte shkuar në qendër tregtare për të festuar ditëlindjen. Pamjet e publikuara tregojnë babain e plagosur duke u zvarritur nëpër rrënoja, por pa foshnjën në krah.
???? Es tendencia REAL PLAZA
— ¿POR QUÉ ES TENDENCIA EN ????? ???? (@TTENDENCIASENX) February 23, 2025
Colapso de techo en centro comercial de Trujillo deja 4 fallecidos y 78 heridos. Equipos de emergencia trabajan en el rescate de víctimas atrapadas.pic.twitter.com/NDXoXtANBV
Ankesat dhe gabimet e prodhimit
Më 21 shkurt 2025, çatia e qendrës tregtare Real Plaza Trujillo u shemb, duke vrarë 6 persona, përfshirë një vajzë tetëvjeçare dhe duke plagosur 78 persona, disa prej tyre rëndë. Carlos Rodríguez Pastor, president i Intercorp dhe njeriu më i pasur në Peru, akuzohet për vrasje nga pakujdesia për aksidentin.
Sipas ankesës, shembja ka ardhur për shkak të defekteve të rënda në ndërtim, mirëmbajtjes së dobët dhe mungesës së masave të sigurisë në qendrën tregtare. Kujtohet se në korrik 2023, Real Plaza Trujillo u mbyll përkohësisht për çështje të sigurisë strukturore, si probleme me instalimet elektrike, sistemet e sigurisë nga zjarri dhe rrugët e evakuimit, si dhe çarje në disa struktura. Ndonëse u kryen punime riparimi, tragjedia e fundit ngre dyshime për efektivitetin e këtyre ndërhyrjeve.
