Ish-kryetari i Himarës Fredi Beleri i liruar sot nga Gjykata e Fierit deklaroi se nuk ka pranuar asnjë nga ofertat që i janë bërë atij për të dorëzuar mandatin.
Në intervistë me Çim Peka live, Beleri u shpreh se gjatë 16 muajve në burg kishte gjithmonë oferta madje dhe vëllait dhe djalit të tij i është premtuar se mund të bëhen kryetar nëse ai jepte dorëheqje.
Në kohën që ju keni qënë në qeli, ka pasur negociata me ju që të dorëzoni mandatin dhe ju të liroheni?
Beleri: Javën e parë në takim me zyrtarë nga partnerët tanë kryesorë, vëllai im dhe djali im më thanë në tavolinë, zgjidhni të bëhet kryetar një nga ju të dy pasi atë nuk e lëmë, të japë dorëheqjen të dalë nga burgu. Nuk e kam pranuar. Të gjithë e dinë dhe në Athinë dhe në Tiranë. Gjatë këtyre 16 muajve kisha gjithmonë oferta për të dhënë dorëheqjen nga mandati me shkëmbim lirinë time.
Pra i është premtuar djalit tuaj dhe vëllait tuaj, njëri prej jush mund të bëhet kryetar bashkie...
Beleri: Me letër, javën e parë...
Si është e mundur që Edi Rama e paska personale vetëm me ju dhe jo me familjen tuaj.
Beleri: Edi Rama është e qartë se nuk do e linte bashkinë te PD te opozita, nuk e ka fare personale me mua. Ai ishte mashtrimi i radhës.
