Fredi Beleri i ka dërguar mesazhe Edi Ramës, para takimit të parë që do të kenë pas daljes nga burgu. “Zoti Rama është sovran në vendin e tij por ka një vend tjetër më të fuqishëm, që është Greqia e cila me lëvizjen e kryeministrit grek për të më dhënë kandidaturën dhe me besimin e popullit ka treguar se askush nuk mund të luajë me helenizmin”, tha Beleri për OPEN.
Fredi Beleri dhe Edi Rama pritet të kenë takimin e tyre të parë pas lirimit të të parit nga burgu, si pjesë e një delegacioni të Parlamentit Europian në Tiranë, për të kontrolluar procesin e anëtarësimit të Shqipërisë në Bashkimin Europian.
“Nuk e prisja kurrë që unë që përfaqësoj Parlamentin Europian dhe ai shtetin shqiptar do të takoheshim”, komentoi z. Beleris.
Në lidhje me minoritetin grek, ai sqaroi se "kam vendosur të kërkoj gjithçka që u privohet minoritarëve, që është pronë, e drejta e vetëvendosjes. Të drejta themelore që nëse nuk respektohen, besoj se Shqipëria nuk mund të bëhet anëtare e Bashkimit Evropian”.
Fredi Beleri vlerëson se Edi Rama po e shtyn Shqipërinë drejt Turqisë, kundër vullnetit të qytetarëve shqiptarë: "Ndërhyrja e Turqisë në Shqipëri shihet qartë çdo ditë. Është e pashpjegueshme pse, pasi njerëzit nuk besojnë se duan një marrëdhënie me Erdoganin. Ai dëshiron të anëtarësohet në BE, tashmë gjysma e qytetarëve shqiptarë jetojnë në vendet e BE-së. Është një zgjedhje e pashpjegueshme e z. Rama”./ Versus.al
