Komisioni Qendror i Zgjedhjeve do të vendosë të enjten për mandatin e Fredi Belerit si kryebashkiak i zgjedhur i Himarës. Seanca do të mbahet në orën 11:00 ku do të vlerësohet vlefshmëria e mandatit të Belerit i cili mbahet në burg që prej 12 majit të vitit të kaluar dhe GJKKO i caktoi dënim me 2 vite burg për blerjen e votave.
Në mbështetje të paragrafit 2 nenit 19, dhe shkonjës “n”, paragrafi 1, të nenit 19, të ligjit nr. 10019, datë 29.12.2008 “Kodi Zgjedhor i Republikës së Shqipërisë” të ndryshuar, për shqyrtimin dhe miratimin e akteve në kompetencë të tij, Komisioneri Shtetëror i Zgjedhjeve vendosi të zhvillojë seancë publike:
Data e seancës: 04.07.2024, oa 11:00
Rendi i ditës:
Projektvendim “Për shqyrtimin e vlefshmërisë së mandatit të Kryetarit të Bashkisë Himarë, z. Dhionisios (Alfred) Petro Beleri, i propozuar nga subjekti zgjedhor Koalicioni “Bashkë Fitojmë”, për zgjedhjet për organet e qeverisjes vendore të datës 14 maj 2023”- njofton KQZ.
Mbetet për t'u parë nëse KQZ do të shpallë zgjedhjet e reja në bashkinë e Himarës pasi, kryetari në detyrë Jorgo Goro u arrestua me urdhër të SPAK, për tjetërsimin e pronave, Blerina Bala u dorëhoq për arsye personale, ndërsa aktualisht posti mbahet nga Arqile Bollano i zgjedhur në 7 qershor me 12 vota të këshillit bashkiak. Versus.al
