Sot kryedemokrati Sali Berisha mban takimin e prezantimit të kandidatëve të Partisë Demokratike në qarkun e Elbasanit. Por nuk ka munguar as një tjetër reagim nga deputeti Dashnor Sula i cili mbeti jashtë listave për zgjedhjet e 11 majit.
Nëpërmjet një shkrimi në rrjetin e tij social, Sula ngre pyetjen se kush do të përfaqësojë komunitetin e krishterë në Elbsan, duke qenë se asnjë prej kandidatëve aktualë nuk i përket këtij besimi. Sipas tij, statuti i PD është shkelur dhe është kthyer në “letër bakalli”.
Reagimi i plotë:
Kush i përfaqëson Demokratët e besimit të krishter në listën e PD në Elbasan?!
Zhdukja nga lista e kandidatëve, e deputetit që mbështet shtetin ligjor dhe drejtësinë e barabartë për të gjithë.
Injorimi i antarësisë së Partisë Demomratike të Elbasanit duke i djegur e bërë hi votatat e tyre në Primare.
Mospërfaqësimi i 6 bashkive nga 7 që ka qarku Elbasanit me kandidatë në listën e kandidatëve për deputetë.
Diskriminimi dhe përçmimi që u është bërë Demokratëve dhe votuesve të zonave rurale në Qarkun e Elbasanit duke mos i përfaqësuar me emra në listë të mbyllur, nuk janë të vetme të probleme në listë e kandidatëve të PD për deputetë.
Pyetje për Kryestrategët e Kryemagjistarët që bërën listat e kandidatëve të PD, kush do ti përfaqësojë votuesit demokrat të besimit të krishter në Elbasan pas 11 majit?
Deri në fund të këtij mandati i ka përfaqësuar denjësisht, me shumë përkushtim dhe integritet Doktoresha Zheni Gjergji, por pas Shtatorit të këtij viti KUSH?
Përgjigja është: Askush!
Kryemagjistarët e listave të PD e kthyen STATUTIN e Partisë demokratike në Letër Bakalli, votat e demokratëve i shnderruan në hi që zhduket pa lënë gjurmë, demokratët e fshatrave i braktisën po ashtu edhe demomratët e komunitetit të Krishterë. Lista është për primarin jo demokratët. Versus.al
