Në deklaratën e parë pas shpalljes së vendimit për lirinë e tij, Fredi Beleri shprehet se është i lirë dhe krenar, por jo i lumtur.
Ai bëri me dije se do të apelojë në Gjykatën Evropiane të të Drejtave të Njeriut për atë që sipas tij i mohoi regjimi shqiptar në një grusht shteti.
"Vendimi i sotëm është vetëm një pikë në oqeanin e drejtësisë që na pret. Lufta ime tani fillon. Një ditë do të jem mes vëllezërve të mi në Himarë. Aty filloi aventura ime dhe mendoj se aty është e drejtë të jem”, tha Fredi Beleri.
Së fundi Beleri thekson ndër të tjera se tashmë do të mund të përballet me detyrat e tij si eurodeputet që merret me çështjet që kanë të bëjnë me minoritetin etnik grek në Shqipëri.
Deklarata e plotë e Fredi Belerit:
“Pas 16 muajsh paraburgim të vazhdueshëm, tani jam i lirë dhe krenar, por sigurisht jo i lumtur. Sepse shteti i së drejtës dhe demokracia në Shqipëri nuk u rivendos, institucionet nuk funksionuan, drejtësia nuk u dha ashtu siç duhet.
Vendimi i sotëm është vetëm një pikë në oqeanin e drejtësisë që ka përpara. Lufta ime tani fillon. Vetëkuptohet se do të apeloj në Gjykatën Evropiane të të Drejtave të Njeriut për atë që më mohoi regjimi shqiptar në një grusht shteti.
Por tani, duke ushtruar detyrat e eurodeputetit grek, do të mund të fokusohem në çështjet e minoritetit etnik grek dhe të shtetit ligjor, pa frikë, por vetëm me pasion. Sot do të jem mes vëllezërve të mi në Himarë. Aty ku filloi aventura ime dhe e konsideroj të drejtë të jetë.
Dua të falënderoj nga zemra kryeministrin grek, Kyriakos Mitsotakis, i cili me vendimin e tij të guximshëm për të më përfshirë në fletën evropiane të ND-së, ndryshoi rrjedhën e historisë sime. Dhe sigurisht miqtë e mi të ngushtë, Angelos Syrigos dhe Stavros Papastavrou për mbështetjen e tyre të palëkundur. Ishte gjithmonë aty, nuk do ta harroj.
Së fundi, dua të falënderoj qytetarët grekë që gjatë gjithë kësaj kohe më dhanë forcën të mos përkulem, të duroj dhe të vazhdoj të luftoj”./ Versus.al
