Kreu i qeverisë, Edi Rama, i është përgjigjur me ironi akuzave dhe deklaratave të Lulzim Bashës. Në videon e publikuar nga Rama dëgjohet kënga e Dafina Zeqirit dhe deklaratat e mëparshme të Bashës.
Basha edhe sot e "sulmoi" Ramën nga Njësia nr. 8 ku prezantoi ‘armikun’ e kryeministrit Pëllumb Seferi, duke i thënë që të përgjigjet se “ku i ka shokët’.
Dialogu virtual në videopostimin e Ramës në Facebook:
Basha: O Rameee...!
Rama: O Lul, po ku je o vlla, ku je?! Se ka dalë në modë kjo thirrja ‘O Rameeee...!’, e kush nuk më thërret, kështu që nuk ia kthej kokën, nuk ia var! Ku je më vlla?!
Basha: Ça bëhet me Ramë?
Rama: Ça të bëhet, i shqetësum jam, shumë i shqetësum jam, për ty, kuptohet, se për vete e di që po e ndave mendjen, përfund edhe këtë herë. Po si do bëhet, se u ngrejte lart kur u zgjove, më vure para, por ke ra. Ke ra prapë! Por të tremb, të tremb ai dreq bufi më duket. S’je ai Lul tsunami i dukurshëm, nuk je, nuk e ke atë, s’e di ça ka ndodh me ty!
Basha: Ka dalë doktori me u anku, sepse të sulmoj unë ty. A e ndëgjove ça thotë?
Rama: A e shef, a e shef, rri e dëgjon bufin! Ala i thuaj doktori, po ça doktori me Lul?! Të shkuli si me qenë dhëmb qumështi, pa anestezi, me qysqi, doktori, doktori! Cili doktor mo?!
