Deputeti i Partisë Demokratike, Luan Baçi u paraqit sot në SPAK ku u pyet mbi një kallëzim të bërë ndaj tij për fshehje pasurie. Pas daljes nga Prokuroria e Posaçme, Baçi tha se bëhet fjalë për një çështje që është mbyllur më herët, por sërish i njëjti person e ka kallëzuar.
“Pasuria ime është hetuar për muaj me radhë dhe më pas u mbyll. Personi që ka bërë denoncimin është patronazhist, ka bërë të njëjtin kallëzim për një çështje të mbyllur. Unë pyetjeve ju përgjigjia, gjithsesi SPAK-u si i vëmendshëm që është të sqarojë qytetarët”- u shpreh Baçi.
Për të njëjtën çështje, Luan Baçi u paraqit edhe në muajin maj për t'u pyetur në SPAK. Së fundmi emri i deputetit është referuar në SPAK edhe për kaosin e krijuar në Kuvend nga ana e Partisë Demokratike. Ai u përfshi edhe në përplasjet fizike mes deputetëve dhe FNSH gjatë seancës së 17 tetorit, ku pretendoi se njëri prej policëve e kishte kërcënuar me armë zjarri. Versus.al
