Të paktën shtatë persona humbën jetën nga një rrëshqitje dheu, e shkaktuar nga shiu i dendur në Vietnam. Balta groposi furgonin me të cilin po udhëtonin personat që ndërruan jetë.
Rrëshqitja e dheut goditi furgonin 16-vendësh rreth orës 4 të mëngjesit me orën lokale, ndërsa kalonte nëpër rrethin Bac Me në provincën Ha Giang.
Ekipet e shpëtimit gjetën shtatë trupa, përfshirë atë të një djali të ri.
Gjashtë persona të tjerë u gjetën të gjallë dhe u dërguan në një spital aty pranë, ndërsa kërkimet vazhdojnë në vend.








