Numri i votuesve në Francë në raundin e parë të zgjedhjeve parlamentare është në nivele rekord.
Mediat e huaja, të cilat po e ndjekin me zhvillime të drejtëpërdrejta, procesin e votimit bëjnë me dije se deri në orën 17:00, shifrat paraprake të votuesve besohet të jenë mbi 60%.
Kjo është shifër që vlerësohet të jetë më e larta që prej vitit 1986. Ky është një kontrast i fortë krahasuar me zgjedhjet e fundit në Francë. Pjesëmarrja në raundin e parë të zgjedhjeve parlamentare të vitit 2022 ishte 47.5%, më e ulëta e regjistruar ndonjëherë.
Situata në Francë nuk është aspak e qetë qe prej kur ekstremi i djathtë triumfoi në zgjedhjet për Parlamentin Europian duke marrë më shumë vota se partia e udhëhequr nga Macron. Ky i fundit shpalli zgjedhjet e parakohshme parlamentare, por theksoi se nuk do të jepte dorëheqjen edhe në rast të fitores së krahut të djathtë. Versus.al
