Një pasagjer në bordin e avionit që u rrëzua në Kazakistan dy ditë më parë tha se dëgjoi të paktën një zhurmë teksa i afrohej destinacionit për aterrim.
Subhonkul Rakhimov ishte në mesin e 29 të mbijetuarve nga fluturimi J2-8243, i cili u rrëzua pasi u devijua nga rruga për në Grozny, në Rusinë jugore, me të paktën 38 persona të vrarë.
Duke folur për agjencinë e lajmeve Reuters nga spitali, ai tha se filloi të falte lutjet dhe të përgatitej për fundin, pasi dëgjoi një zhurmë teksa po i afroheshin Groznit.
‘Mendova se avioni do të shpërbëhej’, tha ai, duke shtuar se avioni i Azerbajxhanit Airlines veproi në mënyrë të çuditshme pas zhurmës së fortë.
‘Ishte sikur të ishte i dehur-jo më i njëjti avion’, shtoi Rakhimov, shkruan Skyneës.
Azerbajxhani Airlines ka pezulluar një mori fluturimesh drejt qyteteve ruse ndërsa hetimet e para thonë se përplasja ishte shkaktuar nga ‘ndërhyrje e jashtme fizike dhe teknike’.
Disa burime të njohura me hetimin kanë thënë se avioni është rrëzuar gabimisht nga sistemet ruse të mbrojtjes ajrore.
38 persona kanë ndërruar jetë në rrëzimin e aeroplanit në Aktau të Kazakistanit.
