Të tjera detaje kanë dalë për sa i përket ngjarjes së djeshme në Tiranë, ku efektivi i policisë Erion Goxhara qëlloi me disa plumba drejt 45-vjeçarit, Lorenc Kosta.
Mësohet se polici Erjon Goxhara i ka dërguar një video kunatit të tij që po ashtu është punonjës policie duke i treguar krimin e kryer.
Po kështu duket në kamerat e sigurisë se pasi e qëllon, ai e filmon 45-vjeçarin e shtrirë në tokë.
Më pas ai ka telefonuar djalin e tij duke i kërkuar ta priste tek rrethi i Shkozës, ku pasi kanë marrë një taksi kanë lëvizur drejt zonës së Freskut.
Pas mbërritjes në këtë zonë Goxhara është dalluar nga disa punonjës policie civil të cilën e kanë ndjekur me vrap por polici i kufirit ka arritur të largohet.
Rrugës në taksi, Goxhara ka biseduar në telefon me drejtues policie duke refuzuar të dorëzohet madje duke u shprehur se më mirë vras vetën se të kalbem në burg.
Po ashtu sipas hetimeve rezulton se polici Erjon Goxhara në muajin korrik ka telefonuar inxhinierin Lorenc Kosta dhe e ka kërcënuar me jetë për motive xhelozie.
Ngjarja e rëndë ka ndodhur pasi bashkëshortja e efektivit kishte një lidhje jashtëmartesore me të plagosurin.
Historia jashtëmartesore duket se ka marrë jetë në ambientet e punës, pasi Kosta është inxhinier elektrik te Enti Rregullator i Energjisë, i njëjti institucion shtetëror, ku punon juriste edhe bashkëshortja e efektivit.
Ndërkaq Erion Goxhara është ende në kërkim dhe policia ka vënë një dëmshpërblim prej 10 mijë euro për këdo jep informacion për vendndodhjen e tij./ Versus.al
