Një video e re e siguruar nga Versus.al tregon momentin kur efektivi i policisë Erjon Goxhara qëllon me armën e punës drejtorin e ERE, Lorenc Kostën.
Në pamjet e siguruara nga kamerat e sigurisë së një lokali, ora shënon 14:20 dhe burri në trotuar është 45-vjeçari Kosta.
Para tij, sapo ka zbritur nga automjeti, del efektivi me bluzë të kuqe, i cili nxjerr pistoletën dhe nis ta qëllojë me plumba në këmbë, pranë rreth-rrotullimit te komuna e Parisit.
Shënjestrën e tij të shtrirë në tokë të plagosur, polici e ka filmuar, për arsye që nuk dihen, por e sigurt është sipas hetuesve, se këto pamje nuk kanë mbërritur në telefonin e gruas së tij.
Sipas dyshimeve të para Goxhara qëlloi me 5 plumba në drejtim të Kostës pasi ky i fundit kishte krijuar një romancë të me gruan e policit.
Bashkëshortja e efektivit, më të cilin ka dy fëmijë, është njohur në vendin e punës me Kostën, aty ku dhe kanë nisur një romancë jashtëmartesore.
Historia është zbuluar rreth 4 muaj më parë nga efektivi Erion Goxharra, ku kanë pasur edhe debate në familje, për të shpëtuar marrëdhënien
Nga ana tjetër autori i plagosjes është në arrati, ndërsa policia ka vënë në dispozicion 10 mijë euro për këdo që jep informacion të saktë për lokalizimin e tij./Versus.al
