Detaje të reja kanë dalë nga ngjarja e rëndë e ditës së djeshme te Komuna e Parisit, ku efektivi Erion Goxhara qëlloi me armën e shërbimit Lorenc Kostën.
Mësohet se arsyeja e këtij konflikti është bërë zbulimi i marrëdhënies intime të gruas së efektivit me me 45-vjeçarin Kosta, edhe ky i fundit i martuar.
Bashkëshortja e efektivit, më të cilin ka dy fëmijë, është njohur në vendin e punës me Kostën, aty ku dhe kanë nisur një romancë jashtëmartesore.
Historia është zbuluar rreth 4 muaj më parë nga efektivi Erion Goxharra, ku kanë pasur edhe debate në familje, për të shpëtuar marrëdhënien, shkruan Top Channel.
Ndërkohë një ditë më parë, Goxharra me armën e shërbimit ka qëlluar 5 herë ndaj Kostës, i cili ndodhet në spital në gjendje stabël, por ende në rrezik për jetën.
Nga ana tjetër autori i plagosjes është në arrati, ndërsa policia ka vënë në dispozicion 10 mijë euro për këdo që jep informacion të saktë për lokalizimin e tij.
