Tiranë- Gjykata e Apelit ka lënë në burg Dritan Nanon dhe dhëndrin e tij Dorian Alia për ngjarjen e rëndë të ndodhur ku u dhunua brutalisht avokati Sokol Mëngjesi. Dritan Nano akuzohet si organizator i dhunës ndërsa Dorian Alia së bashku me 3 të afërm të tij dhunuan brutalisht avokatin mëngjesin e 29 majit në zonën e ish-Bllokut pasi Mëngjesi kishte çuar djalin e tij në kopësht.
Për ngjarjen, Dorian Alia mori përgjegjësinë e plotë duke thënë se gjithçka kishte ndodhur si pasojë e një debati me tone të ashpra që avokati Sokol Mëngjesi kishte pasur me vjehrrin e tij Dritan Nano për një pagesë të gjyqit që ky i fundit nuk ia kishte shlyer. Ai tha se nuk kishte pasur qëllim dëmtimin e rëndë të avokatit dhe se kishte shkuar vetëm për t’i dhënë një mesazh.
Nga ana tjetër Dritan Nano ka mohuar të ketë lidhje me ngjarjen. Por hetimet e prokurorisë e nxorrën zbuluar pasi rezultonte të ishte takuar me dhunuesit rreth një muaj para ngjarjes ku mendohet të ketë pasur rolin e organizatorit.
-
U sulmua brutalisht, del nga koma avokati Sokol Mëngjesi
13 Qershor, 20:13 -
Nga ana tjetër, Drivaldo Alia, Elton Kasaj dhe Romario Tabaku të cilët po ashtu morën pjesë në dhunimin e avokatit, janë ende në kërkim që prej 29 majit dhe dyshohet të kenë kaluar jashtë kufirit të vendit. Ndërsa për këdo që ofron informacion mbi vendndodhjen e tyre, policia ka caktuar shpërblim prej 20 mijë eurosh.
Hetimet zbuluan se Dorian Alia ishte një prej 8 pronarëve që kishte kontaktuar avokatin Sokol Mëngjesi për një pronë të cilën këta të fundit e pretendonin në zonën e liqenit. Pasi studio ligjore e Mëngjesit u kishte fituar gjyqin, 7 pronarët kishin bërë pagesën e rënë dakord në fillim për shërbimet e avokatit ndërsa Dorian Alia nuk kishte bërë asnjë pagesë. Mëngjesi e paditi për këtë fakt dhe fitoi gjyqin kundër tij. Dyshohet se jo ka qenë arsyeja e ngjarjeve që pasuan më pas duke sjellë edhe qëndrimin në gjendje kome të avokatit për thuajse 15 ditë. Versus.al
