Një shtetas 26-vjeçar i identifikuar si Ronaldo Beqiri është arrestuar nga policia në Elbasan, pasi kërcënoi se do të vriste efektivin e policisë në momentin që ky i fundit e kapi me armë në brez.
Pas këtij konstatimi, shtetasi i armatosur ka kanosur punonjësin e policisë për ta vrarë.
Policia bën të ditur se pas ndalimit të 26 vjeçarit është kërkuar edhe ndihma e patrullave ‘Shqiponja’.
Në përfundim të veprimeve të para procedurale u bë arrestimi në flagrance i të riut dhe u sekuestrua arma e zjarrit pistoletë me municion luftarak.
Materialet procedurale i kaluan Prokurorisë për veprime të mëtejshme.
Njoftimi i Policisë/ Elbasan
Qarkullonte i armatosur me pistoletë, në mesnatë, në lagjen “Luigj Gurakuqi”, konstatohet nga një punonjës policie që ishte jashtë orarit të shërbimit.
Në momentin e konstatimit, shtetasi i armatosur ka kanosur punonjësin e Policisë, për ta vrarë.
Falë veprimeve profesionale të punonjësit të Policisë dhe mbërritjes në kohë të Patrullës së Përgjithshme dhe Forcës së Posaçme “Shqiponja”, që ishin në patrullim në qytet, të cilat ishin njoftuar nga punonjësi i Policisë, është neutralizuar dhe arrestuar 26-vjeçari.
Në cilësinë e provës materiale u sekuestrua arma e zjarrit pistoletë me municion luftarak.
Në përfundim të veprimeve të para procedurale u bë arrestimi në flagrancë i shtetasit R. B., 26 vjeç, banues në Elbasan.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprat penale “Kanosja për shkak të detyrës “ dhe “Mbajtja pa leje dhe prodhimi i armëve, armëve shpëthyese dhe municionit luftarak”./ Versus.al
