Tiranë- Një 40 vjeçar i identifikuar si Elton Andreica (Muça) është arrestuar nga policia në Vorë pasi kishte bllokuar rrugën për qarkullimin e mjeteve të tjera.
Efektivët janë informuar se 40 vjeçar kishte parkuar mjetin në rrugë dhe nuk pranonte të lëvizte. Në momentin që policia ka mbërritur për të sqaruar rrethenat e situatës, shoferi ka nisur të ofendojë efektivët dhe më pas ka tentuar edhe të godasë makinën e policisë.
Pas neutralizimit të tij dhe verifikimeve të kryera, rezultoi se 40 vjeçari ishte nën efektin e lëndëve narkotike. Andreica rezulton i dënuar më parë për vjedhje me dhunë dhe armëmbajtje pa leje.
Materialet i kaluan Prokurorisë, për veprime të mëtejshme procedurale. Versus.al








