Një 71-vjeçar është shpëtuar nga shërbimet e Policisë së Lezhës dhe ekipi i urgjencës mjekësore, pasi u dëmtua në një zonë malore mbi Kalanë e Lezhës.
Sipas Policisë, i moshuari ishte duke ruajtur bagëtitë kur dyshohet se u rrëzua dhe pësoi dëmtime, duke mbetur i paaftë për të lëvizur.
Menjëherë pas marrjes së njoftimit, në vendngjarje mbërritën efektivët e Policisë dhe ekipi i urgjencës së Spitalit Rajonal të Lezhës, të cilët bënë të mundur transportimin e tij drejt spitalit për marrjen e ndihmës së parë mjekësore.
Për shkak të gjendjes shëndetësore dhe nevojës për trajtim më të specializuar, 71-vjeçari u transferua më pas në Spitalin e Traumës në Tiranë.
Policia e Lezhës apelon që qytetarët, në çdo rast emergjence apo problematike, të telefonojnë në numrin pa pagesë 112.
Njoftimi i Policisë:
Shërbimet e Policisë dhe ekipi i urgjencës mjekësore i Spitalit Rajonal të Lezhës i shkuan në ndihmë një të moshuari të dëmtuar në zonë malore.
Pas marrjes së njoftimit se një i moshuar ishte dëmtuar në një zonë malore, mbi Kalanë e Lezhës, shërbimet e Policisë së Lezhës, në bashkëpunim me ekipin e urgjencës mjekësore të Spitalit Rajonal të Lezhës, kanë reaguar menjëherë.
Shtetasi, i cili ishte duke ruajtur bagëtitë në mal, dyshohet se ishte rrëzuar dhe kishte pësuar dëmtime, duke e pasur të pamundur lëvizjen.
Me mbërritjen në vendngjarje, shërbimet e Policisë dhe ekipi i urgjencës mjekësore i Spitalit Rajonal të Lezhës bënë të mundur transportimin e tij në Spitalin Rajonal të Lezhës, për të marrë ndihmën e parë mjekësore.
Më pas, për shkak të gjendjes së tij shëndetësore dhe nevojës për trajtim më të specializuar, 71-vjeçari u transportua në Spitalin e Traumës, në Tiranë.
Policia e Lezhës mbetet e angazhuar maksimalisht në shërbim të qytetarëve dhe i fton ata që, për çdo problematikë apo situatë emergjente, të telefonojnë në numrin pa pagesë 112.
