Policia ka realizuar së fundmi dy operacione për kapjen e personave me rrezikshmëri të lartë të shpallur në kërkim nga autoritetet ndërkombëtare.
Në Mamurras u kap 32 vjeçari Ylli Zherri alias Ylli Gjuci ndaj të cilit gjykata e Vareses në Itali kishte caktuar masën “arrest me burg” për trafik droge dhe pjesëmarrje në organizatë kriminale. Në videon e mëposhtme shihet momenti i arrestimit të tij.
Ndërsa në Shkodër, u arrestua 60 vjeçarja Lumnije Freskina alias Danaj, po ashtu e shpallur në kërkim nga gjykata italiane e Firences e cila i kishte caktuar masën e sigurisë “arrest me burg” për trafik droge dhe pjesëmarrje në organizatë kriminale.
Të dy të arrestuarit do të ekstradohen drejt shtetit fqinj sapo të jenë kryer procedurat e nevojshme. Versus.al
