Në Bolzano një burrë u godit me thikë gjatë festimeve për kalimin e Italisë në raundin tjetër të kampionatit evropian të futbollit.
I plagosuri ndodhet në spital, por jashtë rrezikut për jetën. Në Piazza Vittoria, shpërtheu një përleshje mbrëmjen e djeshme, gjatë së cilës një person ka nxjerrë një thikë, duke e goditur një tifoz në qafë dhe në krah, i cili ka humbur shumë gjak.
Sherri shpërtheu pa ndonjë arsye mes tifozëve shqiptarë që kishin ndjekur ndeshjen e kombëtares së tyre në një lokal dhe më pas ishin zhvendosur në Piazza Vittoria.
Policia ka ndërhyrë në vendngjarje dhe ka dhënë edhe ndihmën e parë.
Një polic arriti të ngadalësojë gjakderdhjen e tifozit. Në spital plagët fatmirësisht rezultuan sipërfaqësore: prognoza është dhjetë ditë. Komisariati ka dëgjuar disa dëshmi dhe po heton për kapjen e autorit të goditjes me thikë.
Gjatë përleshjes, një drejtues i Komisariatit të Policisë, përgjegjës për shërbimin e rendit publik, ka pësuar një dëmtim të lehtë në gisht dhe ka kërkuar trajtim mjekësor.
