AKTUALITET /

Vijon "revanshi" në RTSH! Hapet sërish gara për zgjedhjen e Drejtorit të Përgjithshëm, si do të procedohet

Në mbledhjen e mbajtur ditën e sotme, Këshilli Drejtues ka miratuar vendimin për rihapjen e garës për këtë pozicion, duke filluar një procedurë të re nga e para.

Shkruar nga Versus

Vijon "revanshi" në RTSH! Hapet sërish gara për

Këshilli Drejtues i Radio Televizionit Shqiptar ka vendosur të rrëzojë procedurën e hapur më 6 janar për zgjedhjen e Drejtorit të Përgjithshëm, një proces që ishte pezulluar më 30 janar pas kërkesës së Komisionit Parlamentar të Medias.

Në mbledhjen e mbajtur ditën e sotme, Këshilli Drejtues ka miratuar vendimin për rihapjen e garës për këtë pozicion, duke filluar një procedurë të re nga e para.

Të gjithë të interesuarit do të kenë mundësinë të paraqesin dokumentet e kërkuara deri në datën 15 prill, sipas procedurave ligjore, që mund të merren nga faqja zyrtare e RTSH-së. Pas shqyrtimit të dokumenteve, Këshilli Drejtues do të mbajë një mbledhje të dytë për të marrë vendimin përfundimtar.

"Miratoj sot hapjen e garës së konkurrimit për Drejtor të Përgjithshëm të Radio Televizionit publik Shqiptar. Të interesuar do të kenë afat nga nesër deri në datën 15 prill 2025, brenda orarit zyrtar, për të dorëzuar dokumentacionin sipas kritereve të përcaktuara”, u shpreh kryetari i Këshillit Drejtues, Fatjon Hoxhalli.

Po ashtu, gjatë mbledhjes, Këshilli miratoi edhe projektbuxhetin e Radio Televizionit Shqiptar për vitin në vijim.

Tags:

rtsh drejtor

Poll
Më poshtë do të gjeni dhe kandidatët e Partisë Socialiste dhe Partisë Demokratike për të gjitha qarqet: