Itali- 18 vite burg është dënimi i caktuar nga gjykata italiane për algjerianin Fatah Melloul i cili në gusht të 2023-it vrau shqiptarin Klajdi Bitri duke e goditur me shtizë në gjoks.
Ngjarja ndodhi në Ankona pas një sherri që kishte ndodhur mes autorit dhe punëdhënësit italian të Klajdi Bitrit fillimisht për një bllokim trafiku, por përplasja kishte vijuar edhe më tej pasi algjeriani mori shtizën që mbante në makinë.
Bitri ndërhyri për të mbrojtur mikun dhe punëdhënësin e tij italian, por u godit me shtizë në gjoks dhe fillimisht u transportua në spital i plagosur, por fatkeqësisht ndërroi jetë pak minuta më vonë.
Algjeriani i cili ishte larguar me makinë së bashku me të dashurën e tij duke ikur në drejtim të plazhit, u arrestua në Falconara. I dënuari pretendonte se nuk e kishte kuptuar se e kishte vrarë të riun dhe se kishte tentuar të vetëmbrohej në përplasjen që kishte pasur me shqiptarin. Versus.al
