Itali- Alessio Lori, i njohur si “krahu i djathtë” i bosit shqiptar të drogës Elvis Demçe i cili thirret rëndomtë në botën e krimit me nofkën “Zot i drogës”, është gjetur i vrarë me një plumb në ballë brenda një banese në zonën e Tripolit.
Mediat italiane shkruajnë se Lori ishte dënuar me 14 vite burg për trafik droge dhe kishte tentuar gjithashtu vrasjen e një prej anëtarëve të grupeve rivale për t’u hakmarrë për vrasjen e Fabrizio Piscitelli të njohur ndryshe si “Diaboliku”.
Ai ishte arratisur nga arresti shtëpiak që i ishte caktuar vitin e kaluar. Ndërsa në dyshemenë ku u gjet i pajetë rrethanat ishin të krijuara në atë mënyrë që jep përshtypjen e një vetëvrasje, shkruajnë mediat italiane, por prokurori ka hapur hetim për vrasje pasi dyshohet se edhe rivalët e bandave të tjera ishin në ndjekje të tij.
Kush është Elvis Demçe?
Elvis Demçe, i njohur si Zot i Drogës’ është i akuzuar bashkë me katër persona të tjerë për tentativën e vrasjes së Alessio Marzani, 45-vjeçari i plagosur me armë zjarri në 22 tetor 2020 në Acilia. Për këtë ngjarje, ai u dënua me 18 vite burg.
Demçe, i lidhur në të kaluarën me Fabrizio Piscitelli, alias Diabolik , lideri i Lazio Irriducibili i vrarë më 7 gusht 2019 në Parco degli Acquedotti, u arrestua në korrik të vitit të kaluar nga karabinierët e njësisë hetimore Ostia për plagosja e Marzanit.
Deshifrimi i disa bisedave të koduara me sistemin ‘Sky-Ecc’ të përfshira në një server në territorin francez ishte thelbësor për hetimet nga karabinierët, të koordinuara nga drejtoria e qarkut antimafia të Romës. Versus.al
