Avokati e Mario Përlleshajt, 14 vjeçarit të arrestuar për vrasjen e bashkëmoshatarit të tij Martin Cani, ka dorëzuar një rekurs në Gjykatën e Lartë ku kërkojnë lirinë e të miturit.
Në rekursin e dorëzuar, kërkohet heqja e masës arrest me burg e cila i është caktuar autorit nga të dyja shkallët e gjykimit nga gjykata e Tiranës.
Çështja do të shqyrtohet nga gjyqtari Ilir Panda ndërsa ende nuk është caktuar një datë.
Ndërkohë 4 ditë më parë kur ishte planifikuar mbajtja e seancës paraprake gjyqësore ndaj autorit Mario Përlleshaj, u mor vendimi për shtyrjen e saj pasi avokati mbrojtës nuk ishte njohur me aktet.
Të pranishëm në seancë ishin edhe prindërit e viktimës, të cilët kërkuan vendosjen e drejtësisë dhe ndëshkimin e merituar për autorin. Versus.al
