Janë publikuar emrat e 10 kandidatëve për pozita si Drejtor të Përgjithshëm të Radio Televizionit Publik Shqiptar (RTSH).
Sipas burimeve nga mediat, këta aplikantë janë figura të njohura në fushën e medias.
Përveë Aurora Polos, drejtoreshës komanduese të RTSH-së, në këtë garë po marrin pjesë: Eni Vasili, Harilla Koçi, Jetmir Shpuza , Floriana Paskali, Enrik Mehmeti, Ermal Hoxha , Klinton Rama, Flamur Buçpapaj dhe Laureta Roshi.
Aktualisht kandidatët janë në proces vlerësimi dhe emri i fituesit pritet të bëhet me dije në ditët në vijim.
Prej shtatorit të vitit të kaluar, Aurora Polo mban postin e drejtoreshës së përkohshme të RTSH-së. Emërimi i saj në krye të Radio Televizionit Shqiptar erdhi pas dorëheqjes së Alfred Pezës.
Kujtojmë se më 5 shtator 2024, Alfred Peza depozitoi në Këshillin drejtues të RTSH letrën e tij të dorëheqjes.
Në letrën e tij të dorëheqjes shkruhej se vendimmarrja e tij ishte e pakthyeshme./Versus.al
