Dy emigrantë kanë humbur jetën duke u përpjekur të kalonin Kanalin e La Manshti, drejt Anglisë.
"Incidenti tragjik" ndodhi sot dhe përfshiu një varkë të vogël në ujërat franceze, tha një zëdhënës i qeverisë së Mbretërisë së Bashkuar.
Rreth 50 emigrantë u shpëtuan nga e njëjta varkë e vogël, sipas raporteve.
Mësohet se ata që u shpëtuan u kthyen në Francë.
Zëdhënësi i qeverisë tha për Sky News: “Mund të konfirmojmë se ka pasur një incident tragjik në Kanal që përfshin një varkë të vogël në ujërat franceze, e cila ka rezultuar në humbjen e dy jetëve.
"Kjo tragjedi e fundit nënvizon rreziqet e tmerrshme të kalimeve me varka të vogla dhe ne vazhdojmë të bëjmë gjithçka që mundemi për të parandaluar kriminelët e pashpirt që shfrytëzojnë njerëzit e pambrojtur. Mendimet tona janë me të prekurit."
