Donald Trump Jr. shpalli se Partia Republikane është një gjë e së kaluarës dhe babai i tij tani po udhëheq "Partinë Amerika e Para" dhe Partinë “Make America Great Again" ose (MAGA).
Djali i Presidentit Donald Trump e bëri këtë pohim gjatë një fjalimi në Turning Point USA’s AmericaFest në Phoenix, Arizona të dielën.
Trump Jr. tha se është një epokë e re për lëvizjen konservatore - një epokë që është vazhdimisht nën sulm nga Partia Demokratike. Ai tha se këto sulme po shtohen ndërsa partitë po shkojnë drejt zgjedhjeve të mesit të mandatit të vitit 2026.
“Zgjedhjet e mesit të mandatit po afrohen dhe mos u gaboni, Partia Demokratike dëshiron të bëjë gjithçka që mundet për ta mbyllur këtë lëvizje. Jo vetëm Demokratët. Ju i shihni sulmet e sajuara ndaj JD [Vance], meje, babait tim kujtdo që e kupton se kjo nuk është më Partia Republikane. Është Partia Amerika e Para. Është Partia Make America Great Again. Dhe ne nuk do të kthehemi pas!”- u shpreh ai ndaj të pranishmëve.
Më tej telefonoi presidentin e SHBA, Donald Trump i cili përshëndeti bazën e votuesve të lëvizjes ‘MAGA” dhe tha me shaka se nëse djali i tij nuk bën punë të mirë dhe nuk mban fjalimin e duhur, do të jetë i pushuar.
"Doja vetëm t'ju falënderoja të gjithëve dhe shpresoj që djali im të bëjë një punë të mirë duke më përfaqësuar; përndryshe, do të më duhet të them 'Je i pushuar nga puna, Don. Je i pushuar nga puna'".
"Pra, faleminderit shumë dhe kalofshi një ditë të mbarë. Shpresoj që Don të mbajë një fjalim të shkëlqyer. Nëse nuk mban një fjalim të shkëlqyer, më njoftoni, do ta çoj në ferr", shtoi presidenti. Versus.al
