Një fragment i ri ku Virginia Giuffre, gruaja që u bë viktimë e Jeffrey Epstein dhe Ghislaine Maxwell para se të vetëvritej në moshën 41-vjeçare, përshkruan përdhunimin e saj brutale nga një “kryeministër shumë i njohur”, publikohet nga New York Post përpara daljes së librit Nobody’s Girl.
Në këtë kapitull, Giuffre tregon se i kërkoi Epstein të ndërhynte, pasi politikani – i cili nuk emërtohet – e detyroi të lutet për jetën e saj, por ai i përgjigjej ftohtë se kjo ishte thjesht pjesë e punës së saj.
“Pasi më trajtuan kaq brutal, dhe më pas pash reagimin indiferent të Epstein ndaj frikës sime, duhej ta pranoja se ai vetëm më lavdëronte për të më mbajtur si shërbëtore të tij. Epstein kujdesej vetëm për Epsteinin.”
Giuffre shkruan gjithashtu se arsyeja pse nuk e tregton emrin e kryeministrit ishte frika se ai do të përpiqej t’i bënte dëm nëse do të publikonte emrin e tij.
Megjithatë, sipas New York Post, Giuffre kishte përmendur më parë ish-kryeministrin e Izraelit, Ehud Barak, i cili e mohoi çdo përfshirje në çështjen e saj.
Përdhunimi i parë
Sipas Giuffre, takimi i parë me “kryeministrin” ndodhi në ishullin privat të Epstein në Ishujt Virgin Amerikanë rreth vitit 2002, kur ajo ishte vetëm 18 vjeçe.
Ajo tregon se iu dha urdhri të shoqëronte politikani në një kabinë, por ai bëri të qartë që sapo mbetën vetëm se “dëshironte dhunë”.
“Më shtrëngonte përsëri dhe përsëri derisa humba ndjesinë dhe gëzohej duke më parë të trembura për jetën time. Mw e tmerrshme ishte se kryeministri qeshte kur më bënte dëm dhe kënaqej më shumë kur e lutesha të ndalonte. Dola nga kabina duke rrjedhur gjak nga goja, vagina dhe anusi. Për ditë të tëra, më dhembte të merrja frymë dhe të gëlltisja" shkruan ajo, duke shtuar, "ai më përdhunoi më brutalisht se kushdo më parë".
Ajo kujton se vrapoi tek Epstein dhe i lutej të mos e dërgonte përsëri te kryeministri:
“U ula në gjunjë dhe i lutesha. Nuk e di nëse Epstein kishte frikë nga burri apo i ishte borxhli, por nuk dha asnjë premtim, duke thënë ftohtë për dhunën e politikës: ‘Kjo ndodh herë pas here.’”
Përdhunimi i dytë
Menjëherë pas kësaj, shkruan Giuffre, Epstein e dërgoi atë përsëri te politikani për një takim të dytë, i cili u zhvillua në një kabinë në Lolita Express.
Edhe pse përvoja ishte shumë më pak e dhunshme, Giuffre kujton se e kaloi gjithë kohën me frikën se "kryeministri" do ta rrihte papritmas ose do ta mbyste.
Siç shkruan ajo në libër, ishte indiferenca e Epstein ndaj frikës dhe lëndimeve të saj nga "kryeministri" që e bënë atë, në moshën 18 vjeç, të përballej me të vërtetën.
"Nuk e dija atëherë, por takimi im i dytë me kryeministrin ishte fillimi i fundit për mua", shkruan Giuffre në atë që mund të konsiderohet një referencë drithëruese për fundin e saj, duke shtuar se ajo nuk do t'i mbijetonte një jete shfrytëzimi seksual dhe ose do të vriste veten ose do të vdiste në duart e njërit prej miqve të Epstein.
Kërkesa tronditëse
Pika e kthesës përfundimtare erdhi atë verë, kur Epstein dhe Ghislaine Maxwell iu lutën asaj të lindte fëmijën e tyre - një propozim që vinte me vila, pasuri dhe dado 24-orëshe, por që do të kërkonte që ajo të hiqte dorë nga të gjitha të drejtat ligjore.
Giuffre, atëherë adoleshente, shkruan se ajo menjëherë u shqetësua se ata po planifikonin ta përdornin foshnjën si një viktimë të ardhshme trafikimi dhe filloi të komplotonte arratisjen e saj. Ajo
shpejt i shpëtoi ndikimit të çiftit, por përvojat e saj e përndoqën për pjesën tjetër të jetës së saj - veçanërisht "vështrimi i pangopur dhe i ashpër i kryeministrit ndërsa më shikonte të lutesha për jetën time".
