Shërbimet e DeepSeek po përjetojnë probleme serioze , pasi kompania ka njoftuar se po përjeton sulme kibernetike me qëllim të keq. Sipas informacioneve zyrtare, sulmet kanë ndikuar në procesin e regjistrimit të përdoruesve të rinj , gjë që paraqet vonesa dhe keqfunksionime.
DeepSeek u bëri thirrje të interesuarve të jenë të durueshëm, duke rekomanduar që të provojnë përsëri më vonë. Megjithatë, siç sqarohet, përdoruesit tashmë të regjistruar mund të hyjnë dhe të përdorin shërbimet e tij normalisht.
Deri më tani, nuk janë dhënë detaje të mëtejshme për natyrën dhe shtrirjen e sulmeve, as nëse ka pasur ndonjë rrjedhje të të dhënave. Pyetja se kush qëndron pas këtij sulmi të koordinuar mbetet e hapur, ndërsa zyrtarët e sigurisë DeepSeek punojnë për të rikthyer platformën në funksionimin normal.
Çfarë është DeepSeek
DeepSeek nuk është thjesht një mjet tjetër i AI (inteligjencës artificiale), ose kështu pretendojnë krijuesit e tij kinezë që e lansuan një javë më parë. DeepSeek brenda pak orësh jo vetëm që ka arritur të krijojë sensacion me karakteristikat e tij teknike, por po trondit bursën amerikane me balenën e vogël blu që është logoja e saj./Versus.al
