Dy zjarrfikës, 45-vjeçar, humbën jetën teksa po shuanin zjarrin në provincën e Matera, Itali. Aksidenti ndodhi pasditen e së mërkurës së 17 korrikut në komunën Nova Siri, në rrethin Cozzuolo, ku një zjarr shpërtheu mes bimësisë.
Dy policët tentuan të shpëtonin një familje, shtëpia e së cilës ishte e rrezikuar nga flakët. Por ata ranë nga një shkëmb dhe u përfshinë nga flakët”, shpjegoi kryebashkiaku i Nova Sirit, Antonello Mele.
“Dy zjarrfikës nga Komanda Matera humbën jetën pasditen e sotme nga një zjarr në pyll teksa po kryenin punën e tyre, punë që çdo ditë bën të mundur sigurimin e jetës së shumë njerëzve dhe mbrojtjen e mjedisit”, shkruan në një postim sekretari i Fns Cisl (Federata e Sigurisë Kombëtare) Massimo Vespia.
“Një tragjedi e papritur që trondit gjithë familjen e zjarrfikësve. Nuk ka fjalë për të përshkruar vuajtjet që ndien çdo zjarrfikës në këto rrethana dramatike. Shprehim ngushëllimet dhe ndjenjat tona të afërsisë me familjet e kolegëve tanë të rënë në ‘aktivitetet e shpëtimit’.
Ngushëllime edhe nga Ministri i Brendshëm Matteo Piantedosi, i cili shprehet se kjo tregon “guximin dhe shpirtin e shërbimit që zjarrfikësit tregojnë në çdo skenar emergjence për të shpëtuar dhe siguruar komunitetet tona, duke rrezikuar jetën e tyre”.
