Dy trupa të pajetë u gjetën dhe rikuperuan nga zhytësit brenda rrënojave të Bayesian, anijes me vela që u mbyt të hënën në mëngjes në Porticello (Palermo). Trupat, njëri i një burri "shumë të fuqishëm", ishin pas dy dyshekëve.
Zhytësit e shpellave, të angazhuar në operacionin e kërkimit, i panë trupat e te mbyturve pas mobiljeve dhe dyshekëve në një nga kabinat në kuvertën e poshtme të varkës. Për t'i rikuperuar ato u hoqen orenditë që mundësojnë ndërhyrjen e zhytësve.
Hetuesit nga ana e tyre po përpiqen të hedhin dritë mbi shkaqet që çuan në tragjedinë e Bayesian, pasi ka ende shumë aspekte për t'u sqaruar: vorbulla ishte pika fillestare e asaj që ndodhi, por, siç përsëritet nga inxhinierët detarë, super jahti "kishte të gjitha mundësitë për t'i rezistuar erërave shumë të forta, rrufesë dhe mureve të vorbullës". Ndaj, edhe hipoteza e një gabimit njerëzor mbetet piste hetimi.
Drejtuesi i hetimeve, dëgjoi për dy orë dëshminë e James Catfield, 51 vjeç, komandant i Bayesien. Prokurorët e Prokurorisë së Termini Imerese e dëgjuan atë për të rindërtuar fazat dramatike të fundosjes dhe për të marrë detaje teknike të dobishme për hetimet.
