Trupat e pajetë e tre fëmijëve nën 4 vjeç dhe një burri janë zbuluar në një shtëpi në Surrey të Anglisë. Ata u gjetën nga nëna fëmijëve, njëherësh dhe bashkëshotja të ndjerit, e cila me ulërima “ngriti lagjen në këmbë” përballë skenës rrenqethëse të shuarjes së familjes së saj, tre djemve dhe burrit.
Ende nuk dihet nëse ngjarja është aksidentale, apo babai ka vrarë 3 djemtë dhe më pas veten. Policia lokale ka qenë shumë e rezervuar në dhënien e informacioneve për median britanike, vetëm ka sqaruar se nuk dyshon që shkak i vdekjes së babait dhe tre djemve të vegjël të jetë një palë e tretë e ardhur nga jashtë.
Policia e Surrey tha se një hetim ishte duke u zhvilluar për të përcaktuar rrethanat e vdekjes së tyre. Të afërmit po mbështeten nga oficerë specialistë dhe rruga Bremer aktualisht është e mbyllur.
