Predikuesi radikal islamik britanik Anzem Sudari, ndjekësit e të cilit kanë qenë të lidhur me komplote të shumta terroriste në mbarë botën është dënuar me burgim të përjetshëm për drejtimin e një organizate terroriste.
Sudari, 57 vjeç, u dënua javën e kaluar për drejtimin e al-Muhajiroon, i cili u shpall i jashtëligjshëm si një organizatë terroriste më shumë se një dekadë më parë, dhe për inkurajimin e të tjerëve për ta mbështetur atë.
"Organizatat si e juaja normalizojnë dhunën për të mbështetur një kauzë ideologjike," i tha gjykatësi Mark Wall, Sudarit në Gjykatën Woolwich Crown të Londrës.
“Ekzistenca e këtyre organizatave u jep njerëzve që janë anëtarë të tyre kurajë për të kryer veprime që nuk do t'i bënin ndryshe. Ata mbjellin mosmarrëveshje mes njerëzve që përndryshe mund dhe do të jetonin së bashku në paqe”.
Wall e dënoi Sudarin me burgim të përjetshëm. Ai gjithashtu do të ketë të drejtë të aplikojë për lirim me kusht pas vuajtjes së 28 viteve të dënimit./ Versus.al
