Rreth 300 punonnjës të administratës publike do të përfitojnë kredi me 0% interes për të blerë një banesë. Ministri i Ekonomisë, Kulturës dhe Inovacionit, Blendi Gonxhja nëpërmjet një postimi në facebook dha edhe disa detaje për mënyrën sesi do të përzgjidhen fituesit e kësaj nisme të qeverisë.
Në postim ai nënvizon se vëmendja më e madhe do të jetë e përqendruar tek arsimtarët, mjekët, infermierët, ushtarakët, garda etj.
“Një hap pozitiv për mbështetjen e profesionistëve të Administratës Publike, nëpërmjet një programi të veçantë që ofron kredi me 0% interes për blerjen e banesave, me qëllim përmirësimin e cilësisë së jetës së punonjësve, duke u siguruar atyre mundësinë për të jetuar në kushte më të mira dhe më të sigurta, pa u shpenzuar për interesat e kredisë!
Përfituesit do të përzgjidhen në bazë të sistemit të pikëzimit dhe vëmendje të veçantë në këtë proces do të kenë: Arsimtarët, mjekët, infermierët, policët, ushtarakët, garda, veterinerët, artistët, etj.
Këto kuota do të jenë të përvitshme, falë financimit nga Buxheti i Shtetit, miratuar në mbledhjen e sotme të Qeverisë me propozimin e MEKI”- shkruan ministri.
Siç thekson edhe ministri, kaq kuota do të jenë të përvitshme për 300 punonjës publikë ndërsa aplikimi do të bëhet online nëpërmjet portalit qeveritar e-Albania dhe përfituesit do të përzgjidhen në bazë të një sistemi pikëzimi.
SI DO NDAHEN KREDITE E BUTA
Kuotat e përgjithshme të kredive të lehtësuara për
administratën publike për vitin 2024 janë, gjithsej, 300 (treqind)
dhe ndahen, si më poshtë vijon:
a) 90 (nëntëdhjetë) për Ministrinë e Brendshme
b) 90 (nëntëdhjetë) për Ministrinë e Mbrojtjes
c) 30 (tridhjetë) për Ministrinë e Bujqësisë dhe Zhvillimit Rural
ç) 30 (tridhjetë) për Ministrinë e Arsimit dhe Sportit
d) 45 (dyzet e pesë) për Ministrinë e Shëndetësisë dhe
Mbrojtjes Sociale
dh) 15 (pesëmbëdhjetë) për Ministrinë e Ekonomisë, Kulturës
dhe Inovacionit. Versus.al
Shqiptarët të zhytyr në varfëri, orientohen drejt mallrave të lira
Privati do të ndërtojë në prona publike, çfarë përfiton shteti
