Reperi i njohur Capital T i ka dhënë fund spekulimeve që qarkullonin prej kohësh për jetën e tij sentimentale, duke konfirmuar publikisht lidhjen me modelen Adrola Dushi.
Deklarata erdhi gjatë një interviste ku artisti foli hapur për raportin dhe për arsyet pse ka zgjedhur ta mbajë jetën private larg vëmendjes mediatike.
Në bisedën me moderatoren Grida Duma, ai theksoi se marrëdhënia nuk ka qenë asnjëherë sekret, por thjesht një zgjedhje personale për të ruajtur privatësinë.
Sipas tij, gjërat më të rëndësishme në jetë kërkojnë mbrojtje dhe diskrecion, sidomos në një kohë kur ekspozimi publik është i madh.
Artistit i është përmendur shpesh emri në media për jetën personale, por ai u shpreh se nuk ndjehet rehat të dalë shpesh në intervista për të diskutuar çështje që, sipas tij, janë të thjeshta dhe tashmë të njohura për publikun.
Capital T shtoi se mënyra më e mirë për të mbrojtur gjërat që kanë vlerë është pikërisht ruajtja e tyre larg vëmendjes së tepërt.
Konfirmimi i tij publik vjen pas një periudhe të gjatë spekulimesh në rrjetet sociale dhe mediat rozë, duke e bërë këtë deklaratë të parë zyrtare mbi marrëdhënien e tyre./ Versus.al
