Kreu i grupit parlamentar të PD, Gazment Bardhi ka bërë emërime të reja në grupit parlamentar të Partisë Demokratike, duke hequr si anëtarë të komisioneve parlamentare të gjithë deputetët mbështes së Lulzim Bashës.
Në kërkesën që Bardhi ka dorëzuar në Kuvend shihet se nga Këshilli i Legjislacionit është hequr emri i Enkelejd Alibeajt dhe është vendosur anëtare Dhurata Çupi, e cila ishte anëtare zëvendësuese dhe në vend të saj është emëruar Lindita Metaliaj.
Lukzim Basha është hequr nga Asambleja Parlamentare për Bashkëpunimin e Europës Perëndimore dhe në vend të tij është emëruar Oerd Bylykbashi. Ndërsa nënkryetarë të grupit parlamentar do jenë Ervin Salianji dhe Albana Vokshi, zëdhënëse do jetë Ina Zhupa.
Më herët Bardhi riktheu në grupin parlamentar të gjithë anëtarët e Rithemelimit të përjashtuar nga Lulzim Basha. Ndërsa sot kërkoi llogari nga Nikolla pse nuk është përfshirë në listën e anëtarëve të grupit parlamentar të PD, emri i Sali Berishës. Versus.al
